ဖုန်းဝယ်နည်း လမ်းညွန်

ThanToeAung ဗဟုသုတ

ဖုန်းဝယ်ဖို့ စဉ်းစားတိုင်း နောက်ဆုံးပေါ်ဖုန်းတွေချည်း မစဉ်းစားပါနဲ့။ Brand လည်း အစွဲလမ်း မကြီးပါနဲ့… ဈေးပေါတာချည်းလည်း မဝယ်ပါနဲ့။ ဖုန်းဝယ်ရန် စဉ်းစားနေသူများအတွက် တွေးစရာ၊ သုံးသပ်စရာ အချက်များကတော့ အောက်ပါ အတိုင်း မျှဝေပေးလိုက်ရ ပါတယ်။

၁) GSM လား CDMA လား..

ကမ္ဘာတစ်လွှားမှာ GSM ဆက်သွယ်ရေး စနစ်ကို provide လုပ်တဲ့ ဖုန်းများ ထုတ်ပေမယ့် CDMA ကို provide လုပ်တာတော့ အတော်လေး နည်းပါတယ်။ အများစုက တရုတ်ပြည်ကနေ လာတဲ့ ဖုန်းများက support လုပ်ပြီး Hauwei ကနေ အဝင်များပါတယ်။ အခြားအားဖြင့် Samsung, HTC တို့ အနေနဲ့လည်း CDMD network ထောက်ပံ့တဲ့ ဖုန်းများ ထုတ်ပါတယ်။ ဒါပေမယ့် အမြင့်ဖုန်းတွေတော့ မဟုတ်ပါဘူး။

၂) ဘယ်လို feature ကို သင်လိုအပ်လဲ..

အချို့က ဖုန်းဆိုရင် ကင်မရာ ကို အဓိက သုံးဖို့ ဝယ်သူ ရှိသလို၊ အချို့က ဂိမ်းဆော့ဖို့ အဓိက ဝယ်သူ ရှိတယ်။ အချို့က အင်တာနက် ကောင်းကေင်းသုံးချင်တယ်.. လိုအပ်ချက် တစ်ခုတိုင်း စီအတွက် focus လုပ်ပေးထားတဲ့ ဖုန်းရှိသလို အချို့ဖုန်းများကတော့ သူ့လိုအပ်ချက်အတိုင်း ချွန်ထွက် ကောင်းမွန်နေတဲ့ ဖုန်းများလည်း ရှိပါတယ်။ အချို့ကျတော့လည်း အကုန်ကောင်းပါတယ်။

၃) ဒီဇိုင်း မှန်ကို ရွေးပါ..

ဘာမှ မပြောခင် ဒီဇိုင်းကို အရင်စပြောရတဲ့ အကြောင်းက ရှိပါတယ်။ ဖုန်းဟာ ပြောမယ်ဆိုရင် ကိုယ့်ရဲ့ အိမ်ထောင်ဖက်၊ ချစ်သူ တစ်ဦးလိုပါပဲ။ သွားလေရာ အမြဲတမ်း ပါသွားပြီး မိမိနဲ့ အနီးကပ်ဆုံး ရှိနေမယ့် အရာ၊ အသုံးပြုနေရမယ့်အရာ ဖြစ်ပါတယ်။ ဖုန်းမဝယ်ခင် အရင်ဆုံး လက်မှာ ကိုင်ကြည့်။ ကိုယ့်လက်နဲ့ အံကိုက်ဖြစ်ရဲ့လား.. ကိုယ်ကိုယ့်ကိုကော အဲ့ဖုန်းနဲ့ လိုက်ဖက်တယ်လို့ ခံစားရလား.. navigation လေးတွေ နှိပ်ကြည့်လို့ စိတ်တိုင်းကျရဲ့လားပေါ့.. ဒီဇိုင်းလို့ဆိုတဲ့နေရာမှာ အပြင်ဒီဇိုင်းကော အတွင်းက UX ဒီဇိုင်းကိုပါ ဆိုလိုပါတယ်။ အချို့က အပြင်ဒီဇိုင်းကြိုက်ပေမယ့် အတွင်းဒီဇိုင်းက ကိုယ့်အတွက် အဆင်မပြေတာမျိုးတွေလည်း ရှိပါတယ်။

၎) ဖုန်း အမျိုးအစား

ဖုန်းမှာ စမတ်ဖုန်း ရှိတယ်..။ Feature ဖုန်း (ဖီးချားဖုန်း) ရှိတယ်။ Basic ဖုန်း ရှိပါတယ်။ စမတ်ဖုန်းက အင်တာနက်သုံးလို့ရတယ်။ ပုံထွက်ကောင်းတယ်။ ကွန်ပြူတာ တစ်လုံး အသေးစား ပမာ သုံးလို့ရ ပါတယ်။ ဖီးချားဖုန်းကတော့ အီးမေးလ်ပို့ခြင်းတို့လောက် ရပြီး Messaging ကို အဓိက ထားပါတယ်။ Basic ဖုန်းကတော့ ကျနော်တို့ အရင်တုန်းက သုံးခဲ့ဖူးတဲ့ ဖုန်းတွေ ဖြစ်ပါတယ်။ keypad ပါဝင်ပြီး screen resolution အဖြူအမဲဖုန်းများ ဖြစ်ပါတယ်။ အဲ့ဒီလို ဖုန်းတွေရှိတောင် မရှိတော့ပါဘူး။ အဓိကက စမတ်ဖုန်းကို သုံးကြပြီး ကမ်းရိုးတန်းဖုန်း သုံချင်သူများကတော့ feature ကနေ ပြန်ရွေးပါတယ်။

၅) မျက်နှာပြင်

အဓိက စဉ်းစားစရာအချက် ဒီမှာ ရောက်ပါပြီ။ စမတ်ဖုန်း အကြောင်းပဲ ပြောကြရအောင်..။ မျက်နှာပြင် အသေးဆုံး အနေနဲ့ ၄.၅ လက်မ ဝန်းကျင် လောက်ကနေ အကြီးဆုံး အားဖြင့် ၆.၄ လက်မ အထိ အရွယ်စုံ ရှိပါတယ်။ ကိုယ်က မျက်နှာပြင်သေးတဲ့ ဖုန်းပဲ သုံးချင်တာဆိုရင် ၄.၇လက်မ ဝန်းကျင် လောက်က အဆင်ပြေပြီး ကြီးတာ ကြိုက်သူများအတွက် ၆ လက်မ လောက်အထိ သွားနိုင်ပါတယ်။ Google Nexus 6, iPhone 6 Plus, Samsung Galaxy Note 4 တို့က အကြီးစား ဖုန်းများ ဖြစ်ပါတယ်။ Phatblet ထဲကို ဝင်သွားပါပြီ။ သေးတာကြိုက်ရင်တော့ ၄.၅ လက်မ ဝန်းကျင်လောက်အထိ ရှိပါတယ်။ HTC One Mini 2, နဲ့ အခြားသော brand များမှ mini ဖုန်းများဟာ သေးပါတယ်။ iPhone 5S လောက်အထိ iPhone ဗားရှင်းများဟာလည်း သေးပါတယ်။ အဲ့ဒီဆိုဒ်တွေကို အမှန်တော့ သေးတယ်ဆိုတဲ့ ခေါင်းစဉ်အောက်တောင် မထည့်သင့်သေးပါဘူး။ လူကောင်ကြီးကြီး၊ အနောက်တိုင်းက လက်ပြင် ကြီးတဲ့သူတွေတောင် ၄.၇ လက်မ iPhone ကို အတော်လေး သုံးကြပါတယ်။ ဒီတော့ medium အရွယ်ဖုန်းလို့ သတ်မှတ်နိုင်ပါတယ်။ သေးတာဆိုရင် ၃.၂ လက်မ လောက်အထိ သေးတာမျိုးတို့ ရှိသေးပါတယ်။

၆) Processor

CPU ဟာ ဖုန်းရဲ့ နှလုံး ဖြစ်ပါတယ်။ လူမှာ နှလုံးရဲ့ လုပ်ဆောင်ချက်က အဓိကဖြစ်ပြီး သူသေရင်သေပါတယ်။ သူရပ်ရင် ရပါတယ်။ ဒီလိုပါပဲ ဖုန်းမှာမှာလည်း Processor က ပင်မ အသက်ကြော ဖြစ်ပြီး နှလုံးကညစ်အားကောင်းသလောက် လူကျန်းမာသလို Processor လည်ပတ်အားကောင်းသလောက် ဖုန်း အလုပ်လုပ်တာ အတော်လေး မြန်ပါလိမ့်မယ်.။ Quod core ကနေ အခု 64 Bit Processor အဆင့်အထိ ရောက်လာကြပါပြီ။ Octa Core ဖြစ်ပါတယ်။ 64 bit ဆိုတာ ကွန်ပြူတာ ရဲ့ Processor အမြန်နှုန်းလို့ လွယ်တကူ ပြောလို့ရ ပါတယ်။ နှလုံးလည်ပတ်အား က မြန်သော်လည်း လူကောင်ကြီးနေရင် သွေးရောက်ရှိမှုနှုန်းက ခရီးဝေးပိုသွားရတာကြောင့် သာမန်လူတစ်ဦးလိုပဲ ဖြစ်နေပါလိမ့်မယ်။ ဒါကြောင့် Body ကြီးသူများရဲ့ နှလုံးဟာ သာမန်လူများထပ် ပိုခုန်ကောင်း ခုန်ပါလိမ့်မယ်။ ဒီလိုပါပဲ။ Processor အလုပ်လုပ်မှု မြန်လေလေ RAM ရဲ့ လိုက်ပါ အလုပ်လုပ်မှုနှုန်းလည်း မြန်ဖို့ လိုအပ်သေးတယ်။ RAM 1GB ကို ၂၀၁၂ လောက်မှာ မြင်တွေ့နိုင်ပြီး ယနေ့ ၂၀၁၅ မှာ RAM 3GB, 4GB လောက်အထိ ရောက်ရှိလာပါပြီ။ ဆိုလိုရင်းကတော့ Processor တိုးတက်မှုနဲ့အတူ RAM များလာတာကြောင့် အလုပ်လုပ်မှုနှုန်း ပိုမြန်လာပါတယ်။ iPhone တစ်ခုတည်းက ချွန်ထွက်ပြီးတော့ Prcessor ကို Core စနစ်နဲ့ မသွားပဲ A ဖြင့် ရေတွက်တဲ့ပုံစံ သွားပြီး A8 အထိ ရောက်ရှိလာပါပြီ။ Apple iPhone 6 မှာ A8 ကို သုံးပြီး RAM က 1GB သာ ရှိသော်ငြားလည်း သူတို့နှစ်ခု ဟန်ချက် ညီတာကြောင့် လုပ်ဆောင်ချက် အတော်လေး မြန်ပါတယ်။

၈) ကင်မရာ

ကင်မရာ မှာ ၂၀၁၂ လောက်က 8 Megapixel လောက် နာမည်ကြီး ခေတ်စားခဲ့ရာကနေ ယနေ့ခေတ်မှာတော့ 13 Megapixel, 16 Megapixel ကို ရောက်ရှိလာပါပြီ။ ဒီလိုပြောလို့ Megapixel များတိုင်း ကင်မရာ ကောင်းတယ်လို့ မဆိုလိုပါ။ 8 Megapixel က 13MP ထက် ကောင်းတဲ့ ဖုန်းတွေ အများကြီး ရှိပါတယ်။ Megapixel နဲ့အတူ Focal length နဲ့ Image stablization technology အတူလိုက်ပါဖိ့ လိုပါတယ်။ HTC ဆိုရင် MP ၅ အောက်မှာ ရှိပြီး focal lenght နဲ့ sensor အလုပ်လုပ်အားကြောင့် ရုပ်ထွက် ကောင်းတဲ့ ပုံတွေ ထွက်ပါတယ်။ iPhone ဆိုရင် ယနေ့တိုင် 8 MP မှာ ရှိနေပေမယ့် သူ့ရဲ့ Image stablization နည်းပညာကြောင့် ပုံထွက်အတော်လေး ကောင်းပါတယ်။ iPhone 6 မှာ သုံးထားတဲ့ ယင်းနည်းပညာနဲ့ Samsung Galaxy S6 မှာ အသုံးပြုထားတဲ့ နည်းပညာ တို့က တူနေပါတယ်။ ဒါပေမယ့် အခြား feature များ ကွဲလွဲမှုကြောင့် ပုံရဲ့ အရောင်နဲ့ အလင်းအမှောင် အသားပေးမှုကတော့ ကွာသွား ပါတယ်။ ကင်မရာကောင်းတဲ့ ဖုန်းအဖြစ် Sony, HTC တို့က နာမည်ကြီးပြီး ဒီတစ်လော Huawei ကထုတ်တဲ့ Honor ဖုန်းနဲပ Huawei ဖုန်း တွေမှာလည်း ကင်မရာတွေ ကောင်းလာတာကို တွေ့ရ ပါတယ်။

၉) ဘက်ထရီ

ဘက်ထရီက ယနေ့ခေတ်ဖုန်းတွေမှာဆိုရင် 1700 mAh ဝန်းကျင်ကနေ 3500 mAh လောက်အထိ ရှိပါတယ်။ ဘက်ထရီကြီးလေလေ အသုံး ပိုခံလေလေ ဖြစ်ပါတယ်။ ဖုန်းကို ဖုန်းပြောရုံတင် မဟုတ် Mobile Data ဖွင့်ပြီး အင်တာနက် အမြဲသုံးသူတွေ၊ ဂိမ်းဆော့သူတွေကတော့ ဘက်ထရီ ပမာဏကြီးတာကို လိုအပ်ပါတယ်။ ဘက်ထရီပမာဏကြီးသလောက်လည်း ဖုန်းရဲ့ ဈေးကို ကြီးမြင့်စေပါလိမ့်မယ်။

၁၀) 3G, 4G ထောက်ပံ့မှု ရှိမရှိ

မြန်မာပြည်မှာလက်ရှိ 3GB network ကနေ HSPA+ အဆင့်ထိ ရောက်နေပါပြီ။ ဒါကြောင့်မို့ ဖုန်းဝယ်တဲ့အခါ 3G support ပေးမပေးလည်း မေးရပါမယ်။ နောက်ဆိုရင် 4G/LTE လောက်အထိ ဖြစ်တော့မှာပါ။ အဲ့ကျရင် အင်တာနက်လည်း အင်မတန့်အင်မတန် မြန်လာပါလိမ့်မယ်။ နောက်ဆုံးပေါ်ဖုန်းများကတော့ 4G/LTE အထိ ထောက်ပံ့ဖို့ ပါရှိပါတယ်။ 4G လောက်အထိ support ပေးတဲ့ ဖုန်းကို ဝယ်ရင် ကိစ္စမရှိပေမယ့် 2GB လောက်အထိပဲ support ပေးတဲ့ဖုန်းကို ဝယ်မိရင် 3GB အင်တာနက် သုံးလို့ ရမှာ မဟုတ်ပါဘူး။

၁၁) မျက်နှာပြင် နည်းပညာ

LCD ကတော့ သုံးတာနည်းသွားပါပြီ။ အများစုကတော့ AMOLED ဖြစ်ပါတယ်။ AMOLED မှာ အမြင့်ဆုံးကတော့ 2560×1440 pixel လောကအထိ ထောက်ပံ့ပေးပါပြီ။ အခြား တွက်ချက်ပုံ စနစ် နဲ့ဆိုရင် ppi ဖြစ်ပြီး ppi ၅၀၀ ကျော်ဖုန်းဆိုရင် အတော်လေးကို ကြည်လင်ပြတ်သားတဲ့ ရုပ်ထွက်ကို ပေးပါတယ်။ iPhone ကျတော့ Retina Display ကို သုံးပြီး သူ့ရဲ့ နည်းပညာက အခြားနဲ့ မတူပါဘူး။

၁၂) Operating System

Operating System ဆိုတာ ဖုန်းကို လည်ပတ် လုပ်ကိုင်ရန် မောင်းနှင်ပေးမယ့် စနစ် တစ်ခုဖြစ်ပြီး လူသုံးများတာကတော့ Android ဖြစ်ပါတယ်။ Apple ဆိုရင် iPhone, Nokia ဆိုရင် Windows Phone, Blackberry ဆိုရင် Blackberry OS အစရှိသဖြင့် OS များစွာ ရှိပါတယ်။ Blackberry OS ကတော့ အသုံးနည်းပြီး သုံးရတာနဲ့ အခက်အခဲရှိနေပါသေးတယ်။ Android OS က Open source ဖြစ်ပြီး အသုံးပြုသူများ အနေနဲ့ တစ်ယောက်နဲ့ တစ်ယောက် အချက်အလက်မျှဝေခြင်း၊ သီချင်း၊ ဓာတ်ပုံ၊ ဗီဒီယို မျှဝေခြင်း၊ App မျှဝေခြင်းတို့ကို လွယ်တကူ ပြုလုပ်နိုင်ပါတယ်။ Apple ရဲ့ iOS ကတော့ iOS ဖုန်း အချင်းချင်းဆိုရင် ကိုယ်ရိုက်တဲ့ ပုံ၊ ဗီဒီယိုများကို Air Drop ကနေ share လုပ်လို့ရ ပါတယ်။ Apple ရဲ့ iOS ကို iPhone အတွက်သာ ထုတ်ပြီး ဘယ် vendor ကိုမှ ပြန်မရောင်းပါ။ Android ကတော့ Google က ထုတ်ပြီး Samsung, HTC, Motorola, Huawei, Sony, ZTE, Oppo အစရှိသဖြင့် များစွာသော ဖုန်းတွေမှာ သုံးပါတယ်။ iPhone သုံးရင် jailbreak လုပ်မှ ဘယ် ကွန်ပြူတာနဲ့မဆို လွယ်တကူချိတ်လို့ အချက်အလက်များ ယူခြင်း၊ ထုတ်ခြင်း လုပ်နိုင်ပါတယ်။ အကယ်၍ ဒီတိုင်းသုံးရင်တော့ သူ့ကို သီချင်းတွေ ထည့်ဖို့ ထုတ်ဖို့က ကွန်ပြူတာ တစ်လုံးမှာ iTunes ဆိုတဲ့ software ကနေ လုပ်ရပါတယ်။ အခြားကနေ လုပ်ရင် မရပါ။ လုပ်မိရင် အရင်က ထည့်ထားတာတွေကို ဖြတ်ပါလိမ့်မယ်။ Apple သုံးရင် Apple ID လိုအပ်ပြီး Android သုံးရင် Google account ID လိုအပ်ပါတယ်။ ဒါပေမယ့် Google ကတော့ Google account မဖြစ်မနေ ထည့်ရမယ်လို့ force မပေးပါ။ App များကို ဒေါင်းမယ်ဆိုရင် လွယ်တကူ ဒေါင်းလို့ရပြီး Apple ကတော့ Apple ID ရှိမှ ဒေါင်းရပါလိမ့်မယ်။ အကယ်၍ မဟုတ်ပဲ ID မသုံးပဲ ဒေါင်းချင် သုံးချင်ရင် JailBreak လုပ်ရပါလိမ့်မယ်။ ဖုန်းရဲ့ OS ကို သော့ဖြတ်ဝင်တဲ့ သဘောမျိုး ဖြစ်ပါတယ်။ ဒီလိုပြောတော့ Apple က တော်တော်လေး တင်းကြပ်တာပဲလို့ မြင်ကြပါလိမ့်မယ်။ တကယ်လည်း တင်းကြပ်ထားပါတယ်။ ဒါပေမယ့် Apple user များကတော့ iOS ကို သုံးရတာ လွယ်ကူခြင်း ရှိပြီး ကြိုက်နှစ်သက်ကြ ပါတယ်။ Android user များကလည်း freedom ဖြစ်မှုအပေါ် ကြိုက်နှစ်သက်ပါတယ်။ အချို့ကတော့ Android ကို used to ဖြစ်နေသူက iOS မသုံးချင်သလို iOS used to ဖြစ်နေသူများကလည်း Android ကို ပြောင်း မသုံးချင်ကြဘူးလို့ ဆိုပါတယ်။ ကျနော်ကတော့ နှစ်မျိုးစလုံး သုံးပြီး နှစ်မျိုးစလုံးနဲ့ အဆင်ပြေပါတယ်။

၁၃) Storage
ကျနော်ဆိုရင် Storage 16GB နဲ့ လုံးဝမလောက်ပါ။ အနည်းဆုံး 32 GB လိုအပ်ပါတယ်။ ဒါကြောင့်မို့ 64GB လောကို ဝယ်ဖြစ်ပါတယ်။ GB က နှစ်ဆဆီလောက် တက်ပေမယ့် ဈေးကတော့ မြန်မာကျပ်ငွေ တစ်သိန်း ဝန်းကျင်လောက်ဆီပဲ တက်ပါတယ်။ အချို့က SD ကဒ် ဆိုဒ်လို့ရပေမယ့် ဒီနောက်ပိုင်းထွက်တဲ့ဖုန်းတွေက SD ကဒ် ထည့်ခွင့် မပေးတော့ပါဘူး။ အသေ ပါလာပြီး ဖြစ်ပါတယ်။

၁၃) ဈေးနှုန်း

ကိုယ်က ကင်မရာကို 13 MP လိုချင်တယ်။ Display က HD/ Retina, Processor 64 Bit, ဘက်ထရီက 3000 mAH အဲ့ဒီလိုတွေ လိုချင်ပြီဆိုရင် ငွေ ကြိမ်းသေ ခပ်များများ ကုန်ပါပြီ။ ဒါပေမယ့် Spec မြင့်မြင့် ဈေးနည်းနည်း ဖုန်းတွေတော့ ရှိပါတယ်။ Oppo, Huawei, Vivo, Xiaomi အစရှိသဖြင့် ကုမ္ဗဏီများက Spec မြင့် ဈေးအသင့်တင့် ဖုန်းများ ထုတ်ပါတယ်။ ၄ သိန်းဝန်းကျင်လောက်နဲ့ ရပါလိမ့်မယ်။ Samsung Galaxy S6, Motorola Nexus 6, HTC M9, Sony Z3+, iPhone 6, iPhone 6Plus အစရှိသဖြင့် ဖုန်းတို့က ဈေးကြီး Spec မြင့်ဖုန်းများ ဖြစ်ပါတယ်။

အနှစ်ချုပ်အနေနဲ့ကတော့ မိတ်ဆွေ သူငယ်ချင်းများကိုလည်း မေးကြည့်ပါ။ နီးစပ်ရာ ဖုန်း အကြောင်း နားလည်သူများကိုလည်း မေးကြည့်ပါ။ သူတို့တွေ ဘယ်ဖုန်းသုံးတယ်။ ဘယ်ဖုန်းတွေက ကောင်းတယ် ဆိုတာကို လေ့လာပြီးတော့ မိမိနဲ့ အကြိုက်တွေ့တဲ့ ဖုန်းကို ရွေးနိုင်ပါတယ်။ ဖုန်းဝယ်ရန် လမ်းညွန်ကို တကယ်ရေးရင် စာအုပ်တစ်အုပ်တောင်ဖြစ်နိုင်ပေမယ့် ဒီလောက်ပဲ ရေးပါရစေ။ ကျန်တာကို မိမိကိုယ်တိုင်သာ လေ့လာစေလို ပါတယ်။

REF : အောင်ခမ်း (MMAS)
#aungkham_mmas